Tyson Yoshi近期成為廣告界新寵

【橙訊】獨立歌手Tyson Yoshi（程浚彥）早前與姜濤、柳應廷（Jer）和林家謙合作舉辦《拉闊音樂會風火雷電》，期間他除衫大晒健碩肌肉派福利，當時他笑言與其花幾個時間學跳舞，倒不如練肌肉，更透露自己平常也有操肌，今次只是減磅而已。至於Tyson除衫後人氣隨即火速上升，更成為廣告界新寵，不過他擁有完美身形之前，原來曾經是個胖子，經過近5個月的不斷努力才能變做爆肌男神！

Tyson Yoshi喺拉闊音樂會除衫騷肌後人氣急升

Tyson的健身教練Alan日前於社交網上載他在今年6月由台灣飛抵香港的照片，可以見到Tyson雖然有肌肉，但整體來說相當有肉地，腰間還有不少肥肉，不過經過近5個月的健身後，肚腩已轉換成粒粒分明的腹肌，而且擁有結實的胸肌和麒麟臂，成功轉「肌」！不少網民見到他的爆肌相都大讚：「啲肌肉好似盔甲咁」、「會唔會太大隻呀？」Jer更抵死留言：「打死人咩~」獲Tyson回覆：「冇力㗎」

Tyson Yoshi晒肥仔舊照，並用咗近5個月時間打造爆肌身材

圖：tysonyoshi@Instagram、星島日報