姜濤、Anson Lo同Edan再為連鎖快餐店拍宣傳片

【橙訊】人氣男團MIRROR其中三位成員姜濤、盧瀚霆（Anson Lo）和呂爵安（Edan），早前為連鎖快餐店拍攝短片《大姜的愛》大玩HEHE引起熱話，近日三子再度獲邀拍攝宣傳片「大姜真愛《男兒爭入樽》」，講述三子要爭做籃球劇的男主角，而短片導演袁劍偉也客串演出！

姜濤個樣好得意呀！

約7分多鐘的片段中，甫開場三子已唇槍舌劍，爭取導演的歡心務求贏得男主角席位，其中Anson Lo找「神徒」（Anson Lo粉絲名）組啦啦隊與他載歌載舞，而向來總以長袖示人的Anson Lo不但著上籃球背心，還大晒沒有腋毛的白滑腋窩，又單晒眼放電，放得開的表現增添搞笑感覺。

Anson Lo搵「神徒」組啦啦隊同佢載歌載舞

Anson Lo腋窩白滑冇毛

至於向來零偶像包袱的Edan則大晒球技，包括「佐敦道起跳」射籃和「垂直的薯條」加無限轉體，不過最吸睛莫過於Edan猶如「上身」般笑到反晒白眼的一幕！

Edan示範「佐敦道起跳」

仲有「垂直的薯條」

Edan笑到上晒身兼反埋白眼，真係想問句「偶包去咗邊？」

正當二人認為自己能夠擔任男主角時，袁劍偉卻表示早已揀選姜濤做男主角，並即場播出姜濤打籃球的英姿，他更表示主角人選最緊要「型」，所以選擇了姜濤，姜濤則得戚跟兩位落敗者說：「等你（Edan）操番好啲球技？定等你（Anson Lo）啦啦隊成團呀？打波同食快餐一樣，都係靠速度，點可以停喺到等㗎？」

點知原來導演一早決定搵姜濤做男主角

姜濤大晒打籃球英姿

圖：McDonaldsHK@YouTube