保錡早前被韓子亮狙擊

【橙訊】歌手韓子亮早前於社交網爆料，直指「香港某組合成員涉迷姦」，矛頭直指組合ERROR成員保錡，他還封對方為「香港版吳亦凡小豬」，更警告對方：「如果你唔出嚟公開道歉，你準備退出娛樂圈！」不過保錡對於指控未有理會，如常更新社交網，而韓子亮今日（16號）自爆被「照肺」，並為事件作總結，強調沒有指名道姓，並且不會再插手「迷姦事件」，今後會努力工作、遠離是非。

韓子亮今日發文稱自己冇指名道姓，亦唔會再插手「迷姦事件」

韓子亮於社交網限時動態上載多條帖文，當中他提到「香港某組合成員涉迷姦一事」，強調自己沒有指名道姓，並就事件澄清：「雖然有女仔畀佢非禮和其他等等嘅行為，但係本人唔會再參與呢件事，亦都畀咗相關傳媒嘅電話佢哋，如果佢哋有需要嘅話可以聯絡傳媒朋友和報警處理。當然啦如果我本人受到任何嘅指責行為等等，我會再次帶領一班受害人攞埋證據開一個記者招待會。公司叫我努力工作、遠離是非。」

韓子亮指自己被照肺

韓子亮又坦言不介意被指炒作，但介意被指誹謗對方，並強調：「人不犯我我不犯人，當初我Whatsapp過你，一早同你講叫你唔好搞我咁多嘢，放我上枱，你事業成功就算啦，娛樂圈各有各做。水唔係咁抽，希望你自己反省一下檢討吓。」他又晒出昔日與保錡的合照，再表示：「希望你專心做你嘅音樂，我都專心做我自己嘅音樂，河水不犯井水，如果再挑釁我，到時唔好怪我。」

韓子亮希望保錡可以反省一下

圖：k_p0k1、tl_hon@Instagram