林婷為Serrini的新歌《我在流浮山滴眼水.jpg》拍MV，與女演員大玩「sheshe」情

【橙訊】曾主持ViuTV探靈節目《入住請敲門》的藝人林婷早前簽約新公司，並踩入影圈拍戲，近日又為歌手Serrini的《我在流浮山滴眼水.jpg》到元朗流浮山拍攝MV，歌曲講述兩個女仔的感情事，對於MV中與另一女演員Kuku的「sheshe」情，林婷直言既新鮮又緊張！

林婷喺MV中與對手不乏面貼面、擁抱及同床等親暱鏡頭

林婷透露初次拍這類型的MV，起初都很緊張，會想兩個女生的感情事會是如何，而她在今次拍攝中要一日內經歷戀人感情上的高低起跌，心情起伏相當大：「對我嚟講挑戰都幾大，有好多故事，兩個女仔經歷6年，由朋友到同居，大家發生同經歷嘅事都好多，就要一日內經歷晒所有嘢，心情起伏好大。」

林婷直言演「sheshe情」嘅安全感比男生大

MV中，林婷與對手不乏面貼面、擁抱及同床等親暱鏡頭，對此她直言非常好玩，並不覺得尷尬，甚至演「sheshe情」的安全感比男生大：「同男仔拍可能會有少少驚或者怕醜，但同女仔感覺係會放鬆啲，同埋對大家信任都好多，演時舒服好多，我覺得好玩玩。」

林婷仲話拍攝期間勾起唔少拍拖嗰陣嘅回憶

林婷還透露拍攝時勾起不少昔日拍拖的回憶，因某部分的情節與自己經歷相似而比較感觸：「例如同情侶嗌交位，我都會諗起自己以前拍拖時候，有呢個代入感，就發現呢啲嘢自己有經歷過，演嘅時候輕鬆好多。」

圖：大會提供