AI摘要

昨日會展舉辦「第三十九屆香港國際電影節」，由張艾嘉執導的電影《念念》獲選為開幕電影，她率領一眾演員一齊行紅地毯，張艾嘉與丈夫王靖雄出場後，李心潔就拖實彭順現身，梁洛施(Isabella)則以超deep V的白色晚裝亮相，而張孝全同柯宇綸則隨後進場。

一身性感打扮的Isabella，指自己已做足安全措施，佢話:「平時喺屋企係師奶打扮，今日出席個盛會所以着得隆重啲。」

對於早前被指會開工作室，她解釋是朋友的，佢話：「我都係幫吓手，我冇份投資嘅，我只係演員身份，(會否投資拍電影？)依家主力宣傳《念念》先，之後至決定其他工作計劃。」

問到Isabella現在要拍戲當演員外，又要為工作室做事，又要做媽媽，會否好辛苦？佢話：「可以兼顧到，我會攞個平衝，不過都係屋企為主，劇本啱先會做，(之後有咩戲拍？)未揀啱，因為啲角色都係沉重嘅角色，我自己希望拍啲輕鬆愛情片，做媽媽嘅角色我都唔抗拒。」

至於感情事，Isabella坦言沒有追求者，佢話：「我有三個小朋友，唔會覺dry，感情事暫時都唔會諗，復活節我會飛去外地揾小朋友。」